藝人李若彤於1995年劇集《神鵰俠侶》演「小龍女」一角深入民心。
咁多年都冇變過，Keep得超好！
近日她接受內地訪問時指當年獲邀演此角時，沒有表現得欣喜若狂，亦沒感到太大壓力。
當時監製李添勝着她放鬆演出：「憑着自己的感覺去演，你對她是甚麼感覺直接去演就好了。」
《神》劇令李若彤名成利就，工作機會不絕，她卻在攀上事業高峰時為當時的男友息影，惟感情未能開花結果。
08年同男友分手，失戀令佢頓時迷失自我，不過咁都未算最差，喺09年李爸爸中風。
而李若彤喺失戀、父親患病雙重打擊下患上抑鬱症，仲一度想輕生，佢話：「感情分開係潛伏點，跟住爸爸病係爆發點，爆發到有情緒病，有諗過自殺！企喺街，無端端諗行出馬路會點呢？有衝動想做呢樣嘢，係唔知點解。幸好上天畀個姨甥女我，湊佢係我最開心嘅時間，亦係佢救咗我，多謝妹妹畀我做媽媽嘅經驗。」
李若彤話除咗將湊姨甥女視為寄託，仲多謝一位朋友當頭棒喝，講緊嘅就係發哥（周潤發）！她回望人生低潮時，想起有次在飛機偶遇周潤發，當時他說：「人生怎能甚麼都不做呢？」此番話令她重新振作，並用了整整五年修復傷痛，重現幕前。
最近仲參演內地古裝劇集《陳情令》，其仙氣造型引起熱話！
(綜合報道)
