李佳芯（Ali）去年憑電視劇《BB來了》奪視后寶座，好拍檔黎諾懿雖然一度是視帝大熱，就連馬國明都投他一票，可惜最後黎諾懿食白果，空手而回。
二人拍完《BB來了》後人氣急升，成為廣告商寵兒。
大台隨即安排黎諾懿擔大旗主持新節目，繼首集請來多年老友鄭伊健，而呢兩集黎諾懿便請來拍擋兼好友Ali做嘉賓，但就在節目中大爆Ali拍劇時曾經向他大發脾氣。
黎諾懿先問Ali拍劇太辛苦會找誰發脾氣？Ali笑笑口沒有回答，他便爆2人在拍攝《BB》時更試過被Ali狂鬧：「當日我俾佢由廠追出嚟鬧，由廠頭鬧到廠尾，我就同助手講，如果佢唔係Ali，我早打咗佢，好彩佢第2日都知衰。」Ali笑謂：「係呀，我係知衰，但有時谷到一個點就要搵出口，你就係嗰個出口囉！」黎諾懿又表示，他和Ali的關係好特殊，見到她就會有安心、放心感覺，成個環境變回在自己屋企一樣。
最後，Ali讚黎諾懿為其安排的日本之旅有99分，餘下1分她就考驗黎諾懿，她叫黎諾懿即時對鏡頭喊，未料黎諾懿果然流下眼淚，Ali拍手大讚他是視帝人選。
(綜合報道)
