台灣女星陳妍希和陳曉結婚3年，近日二人爆出鬧冷戰，有指陳妍希因忙工作而疏忽家庭，令陳曉大感不滿，更嬲到將個仔送返去由爺爺嫲嫲照顧(相關新聞:http://bit.ly/2Xi3ijT)。
雖然陳曉曾表示係子虛烏有，不過傳聞依然未停，咁啱今日（5日）係陳曉32歲生日，同時亦係二人領證結婚3周年，陳妍希就搭正凌晨12點發文祝福。
陳妍希晒出一家三口全家福，見小倆口甜蜜頭貼頭，喺父母中間嘅2歲囝囝「小星星」陳睦辰開心大笑，真係Sweet出mon！
另一張相就係陳曉型仔獨照，似乎今次妍希帶埋個仔去探老公班，佢又寫道：「日夜拍戲的陳先生辛苦了。願你每日都能睡個好覺，願你的付出都能有所得到，生日快樂。」
而陳曉隨即亦覆老婆：「謝謝老婆，妳是不是要表達身體健康，事業順心，不過妳這樣比較文藝。」
見佢哋啲交流你一言我一語，又真係唔似冷戰緊啵。
（on.cc）
