無綫處境劇《愛．回家之開心速遞》演員劉丹、歐陽震華、滕麗名、呂慧儀、蘇韻姿等在將軍澳電視城為收視祝捷！
歐陽震華（Bobby）客串無綫處境劇《愛．回家之開心速遞》第606集《波比與群姐的前世今生》上集錄得該處境劇首播以來最高的32.3點收視，而《波》下集亦有31.3點，成績驕人。
歐陽震華與許思敏（群姐）在將軍澳電視城出席祝捷活動，群姐笑指Bobby讓她人生增添美麗色彩，Bobby則笑說：「真係相逢恨晚，生不逢時。」
群姐問Bobby會否再拍？Bobby笑說：「我永遠都ok，睇群姐，同埋睇。」氹得群姐心花怒放。Bobby又大讚《愛》劇收視厲害，起初不是很好，現在卻是收視冠軍，滕麗名笑謂是霸住收視冠軍。
歐陽震華指會否再客串要看公司安排，群姐自言是Bobby超級粉絲，與他拍甚麼也開心，她口快快笑說：「call佢返嚟拍《愛回家》，要睇佢支旗。」Bobby 笑說：「睇我支旗？我不嬲插穩咗喺度，TVB係我山頭嚟。又唔可以咁密嘅，都要等觀眾消化吓。」
滕麗名指《波》拍攝時因在拍攝電影《尋秦記》而錯失了與歐陽震華再合作的機會，要求他再客串，她笑說：「嚟到我哋頭，竟然唔同我玩，真係嬲，就算我路過都好呀。」
拍過無數處境劇的劉丹覺得為《波》通宵拍攝也值得，他笑說：「自己拍咁多處境劇，呢次通宵就算唔係第一次，都只係第二次通頂。」問到劉丹可希望加感情線？他笑說：「我呢啲咁嘅年紀有感情線，好似唔係好舒服。」滕麗名則笑說：「談情戲你諗清楚，要付出代價通頂㗎。」
早前弄傷膝蓋韌帶的滕麗名指傷勢康復中，希望不用做手術，她說：「希望韌帶淨低10%唔好斷，斷咗條根好容易萎縮。」劉丹笑說：「根嘅嘢真係好緊要。」
(綜合報道)
