「慈善伶王」新馬師曾鄧永祥太太洪金梅（祥嫂）昨日因肺癌逝世，享年73歲。
祥嫂生前好友黃夏蕙現時身在美國，受訪時表示對痛失摯友感到非常傷心！
去年11月兩人曾一起探望兩度中風暴瘦的影壇四大惡人李兆基，可惜他上月因肝癌離世，終年69嵗。當時祥嫂還很精神，臉色紅潤。
並指祥嫂在去年十月曾向她透露遺願…
「祥嫂話永祥苑入面有棵荔枝樹，如果有日佢走咗，希望葬喺呢棵荔枝樹下面。佢一早搵咗呢個位，好鍾意呢個位，就算死咗都可以一直住喺永祥苑同祥哥一齊。」
她表示當時還叫祥嫂別亂說話：「祥嫂話總之佢就有咁嘅心願，如果有日佢唔喺度，就叫我幫佢講出嚟，祥嫂仲話『永祥苑係我永遠嘅歸宿，係同祥哥一齊嘅地方，我唔係講笑㗎！』」黃夏蕙直言希望祥嫂的子女能達成母親的遺願，讓她安葬在荔枝樹下。
黃夏蕙又指當時與祥嫂傾談時，曾勸對方搬離「永祥苑」：「因為嗰度附近有電纜，會影響佢身體，我勸佢不如搬去酒店住，但佢拒絕，佢好愛祥哥，話要同佢一齊。」
由於永祥苑內有很多祥哥的遺物，也有夫婦二人的物品和畫像，祥嫂十分喜歡該處，並曾花千萬裝修住所及種了不少果樹，更曾打算將「永祥苑」建成祥哥展覽館或紀念館，讓戲迷緬懷祥哥生前的輝煌事迹或拜祭偶像。
相關新聞：
【同居27年 守護新馬師曾近30年】祥嫂47歲出嫁轟動全港 https://bit.ly/327wmOr
(綜合報道 / on.cc)
