名人霍啟剛聽日就正式踏入四十歲生日，平時見人都正經有禮、文質彬彬，不過原來私底下都會有Funny嘅一面，仲好鬼玩得，生日前三日（6月30日）就已經搞定P，搵埋老婆郭晶晶齊齊現身！
昨日就有網友晒出霍啟剛生日派對現場照，見霍啟剛罕見頭頂戴住爆炸頭假髮，胸前掛着大金牌，扮到成個80年代歌手復古形象，更加手上拎住咪為賓客們賣力獻唱。
而太太郭晶晶就頭戴發光眼鏡，十分吸睛，夫妻二人甜蜜合照，睇嚟霍啟剛對奔四都好有憧憬！
唔少網友睇到相就話：「霍少爺好接地氣！」仲話估唔到原來佢都有呢一面添。
(綜合報道 / on.cc)
