王梓軒昨日應新城電台邀請到大圍東莞工商總會劉百樂中學，出席《邁向必buy人生路》活動，與主持人啤梨分享人生，逆境自強，梓軒說：「講你都唔信，我第一份工係做投資銀行，仲要係大行，如果我繼續做，依家應該係半退休狀態。每個人都有啲嘢想做，但未必夠膽做，但其實都有粒種子喺心裏面，目標未必係咁快達到唔緊要，學吓、體驗吓另一種生活，或者會更肯定自己嘅志願。」
梓軒透露讀大學時已經好鍾意寫歌，創作過幾十首曲，並給了趙增熹給予意見，他說：「畢業前我已認識師傅趙增熹，佢叫我攞嚟聽吓，聽完覺得幾好，問我想唔想錄成demo。但我嗰時只識作曲，唔識錄音同編曲，對自己又好冇信心，諗住賣晒啲歌完咗個夢就算喇，我就繼續踏踏實實做嘢⋯⋯阿熹問我啲demo有冇考慮自己唱？我話唔好搞啦，有啲咩行差踏錯全世界望住你，但後來因為太鍾意(音樂)，就quit咗份工同阿熹一齊製作頭4隻唱片，咁就出咗道。」
梓軒早前演出音樂劇《利瑪竇》，令他有好多反思：「《利瑪竇》提醒我『冇行冤枉路』，如果我冇演過戲、冇做過綜藝，冇咁多質疑嘅年月，呢個角色我根本冇可能演到。」梓軒更為同學們打氣，叫大家加油。之後梓軒即席唱出新歌《安全著陸》，獲得全場掌聲。
活動結束後，梓軒行到大圍站月台時，撞見剛聽完講座的5位女學生，她們興奮地驚呼：「王梓軒好靚仔呀，唱歌好好聽呀！」梓軒識做主動邀請合照，大家亦很開心。
(apple daily)
