38歲藝人鍾欣潼（阿嬌）去年同有台灣「醫界王陽明」之稱嘅賴弘國拉埋天窗，婚前落力減肥做靚靚新娘嘅佢，做咗人妻之後就不時被網民取笑「幸福肥」，但老公一樣勁Like！
日前有內地網民分享阿嬌出席活動嘅相，見阿嬌着咗條白色鬆身長紗裙外披牛仔褸，但都遮唔住包包面、麒麟臂同水桶腰，成個人明顯脹咗成個碼。
不過阿嬌當日雖然係着高跟鞋上陣，但全程由工作人員扶實上台，一落台仲即刻換番平底鞋添！（更多圖片：https://bit.ly/2xefNm0）
以上種種跡象，不禁令網民聯想到有喜兼高呼：「阿嬌係咪有咗？」
即有唔少粉絲紛紛恭喜佢，仲話呢種「幸福肥」更加開心添！
對阿嬌盛傳有喜，有傳媒聯絡過她的經理人霍汶希回覆東網…
「我會叫阿嬌減肥，其實佢哋計劃咗，不過唔係今年生，佢唔係有咗。」
(綜合報道 / on.cc)
