藝人汪明荃（阿姐）悉心打扮出席友人開的畫展。阿姐笑謂對畫畫方面全冇天分：「書法都唔得，我只係識做戲。嚟緊又會有9日10場嘅粵劇演出，同老公羅家英一齊演出，喺西九首次踏台版。」
至於《娛樂大家》宣布再添食，阿姐說：「好多人想上嚟玩，年輕觀眾鍾意睇。嚟緊可能會換啲內容，受歡迎嘅應該會保留。（你同薛家燕主持嘅節目都好長壽。）唔同嘅節目都總會有唔同嘅觀眾層。」
談到日前黃淑儀早前受訪時，再提當年拍《書劍恩仇錄》時，被阿姐刺傷而鬧不和，言談間抱怨阿姐未有電話問候(相關新聞:https://bit.ly/2RsWNtf)。。。
阿姐說：「有留意，由後生到依家我都講緊對唔住，可能年輕時我唔係好識呢啲，但佢每次講親，我都會再講對唔住，咁多年佢可能真係好介意。」
「由後生話對唔住到而家，我諗佢唔使再介懷啦，或者我當時真係唔識咁做呢，佢次次講，我又講對唔住，都講咗幾十年，咁佢仲要講，即係佢介意呢件事囉。」
阿姐強調沒有與對方不和，早年更有合作拍劇。
(綜合報道)
