關係錯綜複雜，更有傳男方要離婚，雖然他否認，但其太太就二人離婚一事回覆東網稱：「已交畀律師處理！」
而事隔一天，又到詹秉熙本人回覆東網，他表示：「對於我和太太婚姻問題，作最後一次回應！我和太太現正處理離婚事宜及細節，已交由律師處理中。我和太太於大約三年前，已經開始各自分房瞓，因為小朋友關係，一直冇去處理問題。我哋離婚唔關任何人事。多謝關心！謝謝。」
藝人顏仟汶與詹秉熙近年過從甚密，更傳出詹秉熙與太太搞離婚，早前顏仟汶表示被詹太電話騷擾，其後發聲明與詹秉熙絕交，前晚詹太表示已決定離婚，繼續鬧爆顏仟汶是第三者。
顏仟汶昨日到深水埗出席活動，表示發聲明後已跟兩人沒有聯絡，自己從新聞得知兩人離婚，對於被鬧搶人老公，她說：「我單身，冇同任何人一齊。（覺得無辜？）做呢行冇辦法，食得鹹魚抵得渴，澄清唔到咁多。（有冇怪詹秉熙處理得唔好？）我出聲明之後已經放低晒，誰對誰錯唔重要。（怕唔怕事件影響形象？）社會好多時會放大負面嘢，我都係嗰句，大家睇落去囉！（詹秉熙依家離婚，有冇得做番朋友？）唔關事，做朋友都有底線。」
她承認向來跟男性友人玩得很癲，自己性格「比男人更男人」，所有人都叫她兄弟，問之後會否收斂熱情？她說：「好多男性朋友都結咗婚啦，個別例子唔想講，係定唔係將來會睇到。」
問現在有否追求者？她直言現時是空白期，希望工作為先：「我咁嘅年紀，做嘢先最實際，以前就係太不切實際，依家想追番自己生活。（有咩目標？）其實我想生BB，但呢個階段應該冇乜可能。」
(綜合報道)
