藝人江若琳（Elanne）果真旺夫，老公蕭潤邦(Oscar)飲食生意做到有聲有色，難怪奶奶錫到佢燶。
好多女仔最擔心就係是婆媳關係，搞得唔少老公都好頭痕，婚姻生活亦受影響，不過，Elanne完全冇呢個煩惱！
「我結婚嗰晚都有講過，相信呢世都唔會有婆媳糾紛喺我身上發生，奶奶仲好有好少女心，又好開通，又識扮靚，我有啲衫太細件着唔落，奶奶完全可以接收晒，佢仲可以襯出另一種風格出嚟。」
除了扮靚，Elanne更讚奶奶廚藝了得，令呢位初歸新抱要努力鑽研廚藝，要傳承蕭家的私房菜色：「先學煲湯，再學下家常小菜。」
至於Oscar亦人緣甚廣，他笑言：「呢方面我都似足阿媽，佢都係朋友好多，阿媽係一個細心嘅人，好識照顧佢身邊人同朋友，我都畀阿媽影響到架，我認我善於同人溝通，好細心添。」
(on.cc)
