藝人張頴康有一對可愛仔女，大女小豆現年5歲，而細仔小花生今年已經1歲幾啦！佢經常將家庭照放上社交網大晒幸福，睇見都溫馨滿瀉！
但他早前在無綫節目《如果這樣生活》中透露自己為尋親而唔肯改藝名，堅持用原名等待母親再次出現，更流下男兒淚，感人至深，節目出街後即引嚟極大回響，市民紛紛留言鼓勵張頴康走出傷痛，並祝賀早日尋回摰親。
事隔4日，張頴康終於現身社交網，晒出與愛子嘅溫馨合照，分享同阿仔嘅親子時光，佢仲同大家「報平安」，表示自己已經冇事，收到晒大家嘅祝福，更會繼續發放正能量去照顧家庭等，心情平復好晒繼續工作！
「每當我好想喺梳化休息一陣嘅時候，都會有位先生當我係梳化咁瞓上嚟，仲要笑得咁得戚添！算！係我欠咗你嘅！大家放心，我冇事！你哋嘅祝福我收到哂！我會繼續正能量去照顧我嘅家庭同做好我嘅工作！多謝哂大家！」
而佢個Post下面嘅留言亦全部都係鼓勵字句，同樣都係滿滿嘅正能量！
(on.cc)
