藝人黃澤鋒夫婦和林曉峰等，下午現身九龍灣，錄影ViuTV節目《估你唔到》。
黃澤鋒太太7月尾臨盆，醫生建議剖腹產子，二人表示稍後再見醫生決定，黃太表示：「醫生話留喺肚裏面多1日（指孕婦年紀問題）都有危險，不過擇日開刀都要同屋企人商量吓。」
她透露腹中塊肉已經4磅多：「發育得好好，我自己戒口同少食多餐，因為驚皮膚敏感復發。」黃澤鋒則笑言自己對生產「冇慨念」：「所以準備走佬袋都要問佢（太太）。（諗住獎乜畀太太？）我咪獎左自己畀佢囉，我有戶口但係鍾意儲現金多啲，總之我唔貼第二個，淨係貼我老婆咪得囉。」
他又指黃母以往有幫人照顧小朋友：「所以我會負責餵夜奶，最多都係辛苦三個月啫。」談到早前太太懷孕初期曾被網友咀咒，黃澤鋒顯得相當樂觀：「其實乜都有人講，又有啲網民見到黃翠如結婚，已經咒定人離婚，所以唔需要咁認真，總之乜都有人講。」黃太在旁補充：「我唔係圈中人，所以起初反應都大，但依家會視為一種警惕，佢哋話第時小朋友要照顧番我，但我只要保持健康，就唔需要佢照顧喇！」
(on.cc)
