藝人余德丞出席活動，提到他有份拍的節目《如果這樣生活》將播出，他稱拍攝的一集，是到日本偏僻的小島取景3日，坐了3小時車，再搭3小時船才去到，感受到日本寧靜的一面 。
因每集藝人都分享一件感動經歷，他謂：「我都有嘅，亦有講番昏迷件事，都有講到喊。（會唔會特別叫阿媽睇？）其實媽咪有跟埋我去拍嘅，不論我開心唔開心嘅嘢，媽咪都會關心。有人話喊係咪假㗎？我可以講唔係，嗰刻係真情流露出嚟。」
他近日忙於拍攝《娛樂大家》和《香港原味道》，他開心表示《娛》因反應好而添食。
問到和汪明荃（阿姐）合作了一段時間，是否已少了點壓力？他坦言：「咁真係冇咁驚，開頭係怯怯哋嘅，但相處耐咗，阿姐都好鍾意問我哋依家興啲乜嘢，玩啲乜，好似之前興影BB相。（你有教阿姐？）會講佢聽興咩，邊啲靚呀咁囉。」
(on.cc)
