藝人李旻芳同男友黃耀英感情穩定，李旻芳昨日喺做緊《東張西望》直播時宣布訂婚消息！
佢話：「我要結婚喇，求婚過程好Sweet！有兩隻愛犬陪住，又有我鍾意嘅音樂，最後我哋兩個攬埋一齊跳舞，多謝你黃耀英！」
正式封盤，真係恭喜晒！
李旻芳嘅好拍檔區永權都送上祝賀，佢晒出同李旻芳嘅合照，並留言：「我今晚嘅呢位拍檔，喺節目度正式宣布已經訂婚，將做人妻，恭喜恭喜！」區永權仲喺節目上祝佢百頭到老，永結同心呀！
準新娘李旻芳回覆東網，佢爆男友求咗三次婚先成功：「係呀！尋晚求咗婚，但好好笑，因為佢求咗三次先成功！！第一次佢緊張得滯，蒙住咗我對眼，忘記叫我除眼罩，好蝦碌！第二次佢又停咗個音樂，到第三次先圓滿，我哋有狗狗陪伴住進行，一齊跳咗隻舞，好開心！」佢仲話婚禮定咗喺今年11月5日。
(on.cc)
