「台灣第一名模」林志玲日前突然宣佈閃婚，下嫁日本天團EXILE成員AKIRA，呢個喜訊震驚一眾粉絲同網民！
不過相信收到消息最大打擊嘅，都係曾經被熱傳同林志玲復合嘅言承旭。佢哋嘅戀情兜轉17年，言承旭更被爆視林志玲為一生中最愛，但最終都未能修成正果。
雖然佢當日收到消息時，就大方向舊愛送上祝福，但佢近日現身機場時心情就似乎麻麻。言承旭以一身全黑打扮上陣，仲戴埋帽同口罩包到冚，相當低調。佢全程一言不發低頭急步行，粉絲們亦好似知道偶像「受情傷」，所以默默咁跟住佢行。
網友都話此情此景，完全明白晒「愛人結婚了，新郎不是我」有幾咁Hurt！仲話言承旭呢個孤寂嘅背影好催淚，希望佢都早日搵到屬於自己嘅幸福！
此外，有傳言承旭一早就知林志玲要閃婚，更被爆出佢有幾封未寄出嘅道歉信，當中寫上：「是我不夠好，不成熟，太過孩子氣，不敢讓她等我長大」、「跟女友分手後，彼此在跟朋友講到對方時，都會忍不住掉眼淚」，又指對方曾公開指自己係全世界對佢最好嘅人，所以網民都推測啲信係寫畀林志玲。
(on.cc)
