呂慧儀（長腳蟹）於18年與黃文迪離婚，自此獨力湊大5嵗仔仔。她曾出席活動時表示自己未到一年一次驗身的年紀，但有了小朋友之後會更着重健康，約兩年驗身一次。
離婚後獨力湊仔，長腳蟹稱呼兒子做「老闆」，每天工作完畢後都要趕回家照顧寶貝仔。多次被傳媒拍到收工後立即買餸回家煮飯湊仔，可謂盡心盡力。買餸期間不時有賣菜姨姨鼓勵長腳蟹，叫她加油。
去年首個的父親節已表態跟丈夫離婚的她表示會讓兒子跟前夫見面：「唔使申請都會畀佢哋見面，嗰日都要見嘅，但我就開工，父母都好緊要，母親節就陪我，父親節就陪佢。」
及後她被問到現時跟兒子同住，至於是否撫養權歸她擁有？她說：「係同我住，其他我唔答喇，唔使再問。」
呂慧儀甘願做單親媽媽獨力湊大兒子，可以無老公這個角色，但她認爲絕不可沒有「爸爸」，父母對小朋友的成長過程很重要。相信今年的父親節她亦會帶兒子與親生爸爸黃文迪見面，好好慶祝一年一度的父親節。
(綜合報道)
