藝人陳茵媺在主題公園出席無飲管活動…
講到工作陳茵媺透露有電影洽談中，但因做了媽媽，拍劇就較難遷就時間。問到老公陳豪可支持？她說：「拍劇時間上就比較難就啲，老公支持我工作，因為佢知道我鍾意演戲嘅，我都同佢講話唔公平，你就可以做嘢。」
她表示由屋企做起，身體力行支持「走塑」：「老公陳豪（阿Mo）都話我好適合做呢個活動，話我係環保大使，平時盡量減少用塑膠，出街都會帶可以循環再用嘅膠盒，或者玻璃去裝嘢。」
又指她的環保意識由媽媽教導，亦希望傳承給自己的小朋友……
她說：「細細個教佢哋就會變成生活習慣，唔使大個咗先至改變。佢哋依家都唔用飲管，最初佢哋唔肯，要慢慢氹佢哋。」
「最初都唔肯，因為BB出世時候都習慣用飲管，但我會諗辦法o氹佢哋，其中一個方法可以走冰，飲料可以多啲，佢哋聽到就會接受，到現時為止佢哋都好乖，習慣咗。」
（綜合報道 / on.cc）
