名模周汶錡（Kathy）嘅兩個囝囝Jacques同Avner，憑住cute爆萌樣深受網友喜愛，吸納唔少粉絲。
呢日佢哋又有「粉絲福利」喇！
Kathy喺社交網分享一段囝囝嘅生活片段，一開始細仔Avner勁投入咁跟住音樂跳舞，佢將雙手夾喺胸前，不停扭身扭勢，之後更合埋雙眼，嘟晒嘴咁起勢飛吻。
雖然舞姿有啲奇怪，但就勝在冧樣搭救，氹到揸機嘅Kathy都忍唔住大笑。
點知跳跳吓，大仔Jacques突然亂入，佢揸起兩枝棍不斷咁舞，好似玩緊雙節棍咁，加埋佢個短髮造型，十足「迷你李小龍」，即刻搶晒細佬鏡！
(on.cc)
