藝人陳茵媺（Aimee）在銅鑼灣出席護膚品活動，原本皮膚雪白的她膚色明顯曬黑，她笑說：「因為呢排成日帶啲小朋友去沙灘所以曬黑咗。依家住近咗沙灘，小朋友可以享受吓大自然、玩吓水，自己都好鍾意沙灘。」
過往每年暑假Aimee都一拖三帶子女返回加拿大度假，她說:「而家同媽咪傾緊數，佢身體唔係咁舒服，要睇下點先，近日父母嚟咗香港大家好開心，但今次返去加拿大就未必留到一個月咁耐，因為小朋友都好多興趣班暑期班要上，媽咪身體冇咁好就未必有咁多精力幫手，所以主要睇佢身體如何先。」
活動中陳茵媺與無綫監製梅小青碰面。 
她直言最近亦狂煲自己演出的劇集《法證先鋒III》：「自己真係好掛住拍劇，好想拍劇，但係要照顧三個小朋友，時間難就啲，拍電影就會容易就啲，如果我出去做嘢，阿Mo（丈夫陳豪）都會喺屋企照顧小朋友，我哋唔放心，所以點都會有一個負責湊小朋友。」
問到與梅小青碰面，對方可有邀她回巢拍劇？陳茵媺說：「頭先未有時間傾，因為好耐冇見，太開心，都係講扮靚嘢。」
(綜合報道)
