繼之前陳敏之囝囝雷子樂同Bob三女林機兒（機機）之後（相關新聞：https://bit.ly/2YSgi1z），再嚟。。。
現年27歲的吳若希，一向視2歲大獨生女淼淼（Giselle）為掌上明珠，亦多次為了護女，不惜與網民開火。
呢日與吳若希合作無間的林盛斌（Bob）在IG公開細仔林道申（Jaye）與Giselle的嬉水照，今年8月將滿2歲的Jaye右手搭着Giselle的香肩，左手剛好放在Giselle的大腿上，Bob還為2位小朋友設計對話：
J：喂，靚女，以後跟我！
G：點解嘅？
J：我要初戀呀！
G：點解嘅？
然後阿Bob留言tag吳若希問：「阿親家，啲禮金嗰度收順少少，OK？」
殊不知「外父」、即Giselle父親何兆鴻（Alex）先開「條件」，表示：「貝沙灣3房單位走唔甩，工人司機助手加7位數字現金應該冇咩難度。」吳若希再夫唱婦隨地表示：「摸完大髀，呢條數都係基本㗎啦！」
翻查資料，以Alex要求的單位，上月底同類單位的成交價約3,350萬，再加工人、司機、助手，及7位數現金……條數都相當「和味」，數一數手指起碼要8位數先有得諗，難怪有網民問Alex「你咪好發？」不過，有更多的網民讚Giselle和Jaye有夫妻相。
去年吳若希曾公開表示經常帶囡囡到阿Bob家中作客，而且明言過「嫁到入佢（Bob）屋企就發達」，既然「外父」都開出條件，「老爺」阿Bob會如何接招呢？
連黃翠如同陳煒都忍唔住留言笑爆！
(綜合報道)
