藝人徐榮出咗名係圈中慈父，成日都同一對仔女徐朗（Karson）及徐心怡（包包）親子樂，都算係半個湊仔公。
不過最近佢就要為新劇日以繼夜咁開工，連仔女都見唔到，搞到佢都心掛掛，有見及此，尋日難得有幾個鐘頭休息，佢都即刻飛返屋企睇細路，仲帶埋「特色手信」畀包包添！
雖然話係休息時間，不過轉頭又要繼續開工，新劇造型都唔可以轉住，所以佢就戴住個長假髮連髮夾返屋企，點知就引起包包嘅興趣，一路攬住嗲哋一路玩佢啲「長髮」，仲好細心咁研究點樣要令啲長髮唔打結，真係可愛爆燈！
而徐榮都好有耐性咁同包包解釋啲頭髮係假髮，放咗工返到屋企就會冇咗：「連續日以繼夜咁返工📽難得有幾個鐘頭休息時間都飛返嚟睇佢兩個寶貝👦🏻👧🏻阿包對👨🏻長髮造型表示得相當興奮😜不停同👨🏻交流長髮嘅心得🤣👧🏻認真地話爸爸你啲頭髮打晒結呀 你睇吓我嗰啲頭髮冇打結㗎！」
可愛爆登！
(on.cc)
