藝人張可頤雖然少咗幕前演出，但依然要保持最佳狀態，點都唔放過空閒時間，佢於社交網留言：「又是一個人消磨的光陰，但非常Ok。」
原來佢喺屋企狂操Body，穿上Bra Top及「底褲仔」露腰嘅相，身材fit爆，十分吸睛，仲話：「我在努力找回馬甲線路上啦。」
雖然佢已經50歲，但無論個樣或身材都凍齡咗，真係令人羨慕，但竟然有人留言：「原來明星脫了衣服也就那樣，還不如穿衣服好看。」本應令人震怒，但「智者」可頤好親切回覆對方：「親愛的，第一我沒脫衣服，正常日用運動服，就這樣，仍有些小微肚子，倒沒有三腿四臂，跟性感拉不上絲毫哈，讓你奇特的思維頻道失望了👎。」
網民都力撐可頤「你天生身材好呀，誰能跟你比」、「你叫他親愛的，便宜了他」！
可頤之前都有晒過泳衣照，唔只Fit爆，皮膚仲好好！
(綜合報道)
