【魏駿傑布偉傑等到場支持】單親媽媽斥資七位數開糖水舖:為仔仔做足200分

    她出席糖水店開幕活動時透露投資了近七位數字,並笑言雖一直有意再投身飲食業,卻從未考慮過開糖水舖:「我本身係呢度街坊,同呢間冰室嘅店長好熟,有次煲開糖水畀佢,順便請埋老闆食,點知佢好欣賞我嘅糖水,邀請我頂夜晚時段嚟做,所以真係冇諗過。」

    糖水店正式開業,獲魏駿傑、林雅詩、布偉傑等到場支持。

    可嵐續指由於店舖品牌本身有多年歷史,故她在開店前花了一個多月時間試業及鑽研食譜,非常重視今次合作。問到阿仔可有支持?她笑指:「佢對餐廳好有歸屬感,當正自己屋企咁,不過佢冇試糖水,反而有試朝早食店嘅滷肉飯,因為佢喺附近補習,次次放學就會嚟食,佢依家已經係滷肉飯專家。」

    可嵐表示平日也有不定時於店內舉行busking表演,分享自己的音樂之餘,亦帶旺人流。至於講到可有追求者?她坦言:「有,不過經歷咗咁多嘢,依家想專注事業,為阿仔嘅將來努力,要做足200分。」

    (綜合報道)

    SHARE