台灣女星陳妍希雖然係宅男女神，但佢同天下女性一樣，都有減肥嘅煩惱。
一向面圓圓嘅佢，2014年做大陸劇《神鵰俠侶》「小龍女」，更慘被網友笑係「小籠包」…依家做咗人妻、仔都生埋嘅陳妍希，依然有唔少Baby Fat，係就係望落後生啲，但上鏡始終冇咁好睇…
所以佢上個月底就決定減肥，開始跑步減肥，仲分享跑到面紅紅運動完嘅相！睇佢眼神係幾咁志氣高昂！簡直係充滿決心，唔少網民仲為佢加油打氣添!
一個月過去，唔知陳妍希減肥成果點樣呢？好可惜佢同大部分女仔一樣，減肥失敗…
佢好失落咁表示：「好了，我的跑步生涯要結束了，跑了一陣子，體重都沒掉，腿還變粗了，真心哭了😭」唔止冇瘦到，對腳仲粗咗咁慘？不過佢好快又振作番，仲話依家改以游水減肥：「今天游了一公里加皮拉提斯40分鐘，看看可以維持多久。」但佢最後都話唔知自己可以撐幾耐…
陳妍希呢個發文引起唔少人共鳴同回響，有網民感同身受話：「我也是只有跑步，但目前遇到瓶頸了😭」亦有人提醒佢要控制飲食，同埋建議佢做Gym增肌，仲有網友表示佢係冇認真拉筋先會「腳粗」。不過都有粉絲心痛表示佢而家已經好瘦，話佢點都係最靚嘅！
(綜合報道 / ig / on.cc)
