藝人鍾欣潼（阿嬌）早前率先同有台灣「醫界王陽明」之稱嘅老公賴弘國慶祝30歲生日，仲大晒「Super Man」生日蛋糕(相關新聞:https://bit.ly/2VNoXQb)，認真sweet到爆。
不過婚後第一次同老公過生日，又點會只係送蛋糕咁簡單呢？
呢日賴弘國就趁住生日正日，喺社交網大晒生日靚相，原來阿嬌預備咗特別驚喜，見佢喺房間布滿氣球裝飾，仲送上模型車做禮物，真係夠晒心思！
而賴弘國亦非常滿意老婆嘅安排，留言大晒恩愛：「開心的一週（周），謝謝老婆的驚喜，I love you！」
另外，佢哋又着住浴袍合照，素顏上陣嘅阿嬌高舉V字手勢，少女味十足，至於賴弘國就冧爆甜笑，相當溫馨。
(IG/on.cc)
