陳智燊與太太宋熙年孖公仔出席慈善活動，與小朋友玩遊戲，藉此向大家呼籲要珍惜視力。
對於陳智燊早前跟隨慈善機構到越南進行探訪，他表示好掛住現時8個月大的兒子，「佢出世之後，我都飛過英國、德國，其實都不停飛，可能而家同佢玩，佢開始有少少反應，所以我今次飛，我好掛住。」
問到每晚都要視像？宋熙年說：「其實都少，因為佢細個，驚佢睇得太多，鍾意睇個mon，唔想養成呢個習慣，所以就不斷send相俾佢。」
他們表示待兒子4至5歲左右，或者帶他一起探訪，宋熙年說：「有機會等仔仔大個啲、懂事啲，帶佢去見識吓。」陳智燊指自己好眼淺，所以今次探訪都忍不住喊。
提到工作方面，陳智燊透露10月會演出舞台劇，所以8月要開始進行排練，「而家仲未緊張，我諗去到7、8月嘅時候要認真啲，因為始終未做過舞台劇，而且我仲要練琴，雖然我30年前學過。」
(綜合報道 / appledaily)
