藝人湯洛雯（靚湯）出席無綫劇集《婚姻合伙人》宣傳，一拐一拐的她透露剛從英國返港，旅遊期間日日跑步減磅，沒料於旅程最後一日撻Q出意外，連環左右腳拗柴。
她說：「我睇唔到一級，結果打橫瞓落地，右腳冇乜事，但左腳就腫咗，不過都未有時間睇跌打，惟有捽散佢，當時個心真係浮一浮。」
談到6月初便要投入新劇《法證先鋒IV》拍攝，幸好動作戲不算多，問到減磅情況…
她說：「我冇磅到，其實有好多種方法減肥，但要以健康為主，否則會冇力開工，只要去到水腫就得啦！」更指於當地向家人匯報受傷情況，結果被不停責罵。
（綜合報道 / on.cc）
