藝人郭子豪早前涉醉駕被拘捕，當時獲准保釋嘅佢受訪時，曾一度否認涉事，事後佢先認蠢道歉。而郭子豪尋日出庭時承認醉駕，6月等宣判。
是非停不了，昨日佢又被爆背住拍拖三年圈外正印女友Karen，偷食應屆香港小姐亞軍鄧卓殷，不過Arnold就聲稱同Karen喺年頭已經分手，仲強調分手同鄧卓殷完全冇關係，又指同鄧卓殷了解中。
但係Karen喺網上發文：「人總是自私口說很愛你，下一秒為了自保，用成千上萬的謊言掩飾自己的過錯。盲目信任最終只換來更多傷害。寬恕是為了放過自己，別使自己那心累，不再心軟。」
似乎暗示有人講大話自保，令佢非常痛心！
至於疑為「小三」的鄧卓殷則全程「潛水」。
現年24歲的鄧卓殷身形嬌小，全靠甜美笑容與自信十足，去年參選港姐爆冷奪得亞軍，之後更放棄做建築師的機會，加入無綫做藝員，但發展平平一直只獲安排司儀工作及客串《愛．回家之開心速遞》，不及同屆冠軍陳曉華已有劇拍。
一早表明有位拍拖六年、異地戀男友的鄧卓殷，今年4月卻突然自爆因分隔異地而分手收場(相關新聞:https://bit.ly/2uPchNq)，當時她完全沒有表現傷感，令身邊人大為稱奇，原來已暗撻郭子豪，正在展開另一段感情。
(綜合報道)
