被譽爲「最索星二代」22歲的上山詩鈉女兒Hilary於美國波士頓大學讀書，與富三代施仲樂（Eric）感情穩定，Eric爸爸施榮懷多次讚賞「準新抱」Hilary，早已融入男家，隨時嫁入豪門。
媽媽上山詩鈉日前到美國準備出席女兒大學畢業禮，今日在社交網上載出母女合照，稱今日是生命中最快樂的一天，恭喜她的寶貝女Hilary，為囡囡感到驕傲！
相中看到上山詩鈉除了送鮮花及公仔，更開心地與Hilary錫錫，好友胡杏兒、阮兆祥及梁漢文等亦留言祝賀。
《蘋果日報》聯絡上山詩鈉，她說：「呢日等咗好耐，睇佢畢業我超感動。」Hilary會返港工作嗎？上山續說：「係呀，佢畢業返香港做嘢㗎喇！過兩日我都返香港。」
Hilary自幼由媽咪獨力湊大，Hilary一直視媽咪為好榜樣。
雖然媽咪上山詩鈉管教女兒得很嚴，不過Hilary沒因此變得反叛，反而多年來母女關係猶如好友，無所不談。 
(綜合報道 / appledaily)
