靠一身好功夫打出名堂嘅動作演員張晉啱啱踏入45歲，佢同老婆蔡少芬一向都好恩愛，喺生日呢啲日子梗係要喺網上放吓閃！
蔡少芬大讚老公係「極品全能」，相信張晉睇到呢句都會冧晒，不過之後風向一轉，蔡少芬叫張晉要存多啲錢落佢哋個戶口，唔通好似經典對白一樣「講感情都要畀錢」？
蔡少芬喺微博留言：「我最愛的極品全能老公生日快樂！你要好好在我們的愛情銀行裏存更多的愛情金錢啊！」
原來佢講緊嘅係平時大家都要儲定多啲「甜蜜」，有朝一日鬧交都可以有「甜蜜」扣數，唔會即時反晒面，張晉都有回應話：「兩個人一起存會更多。」
雖然啲對話好簡單，不過已經完全Feel到佢哋嘅恩愛。
(on.cc)
