今日是520，很多人都趁這天表白「我愛你」。
73歲的羅家英在微博發文：「何為夫妻，是把餘生都交給彼此，生死不離，同甘共苦。Liza太后，結婚十周年，相伴32年，這些話，我很想對你說……」並附上一條4分43秒的短片…
片段中，家英哥對着鏡頭細訴跟汪明荃（Liza）的32年情：
「太太，太后，我鍾意叫你太后，因為你唔止係香港演藝界嘅阿姐，亦係我一生最敬重嘅人，1987年我哋相識，而家係2019年，唔知唔覺32年過去咗，我記得我哋結婚嗰年，我係63歲，你係62歲，年紀已經好大，只有你同我可以知道，邁出呢一步需要好大好大嘅勇氣，我記得我曾經同你講過，我絕對唔會畀人喺舞台上欺負你，但諗起咁多年，都係你為我忙前忙後，照顧我咁多。
「記得喺04年嘅時候，我染到重病，你主動同我講，等你嘅病好咗之後，我哋結婚啦，當時我聽到好感動，我知道喺大病當前，你好想名正言順留喺我身邊照顧我，當時我就覺得，你真係需要一個同我面對生死嘅名份，呢個名份唔係朋友，更加唔係女朋友，只能夠係妻子。
家英哥同Liza姐都經歷癌症，兩人在抗癌路上、生死之間仍不離不棄，甚至願意追隨對方今生今世，實屬難得！
「經歷過生同死，而家知道乜嘢叫做摯愛，就係咁樣，你剩半條命，我剩半條命，我們終於合成一條命，估唔到，就成為我哋嘅愛情金句，我知道你明白，我認定咗呢個人，我就會一生一世去愛呢個人，所以，我呢生人最大嘅成就，就係執子之手，與子終老。」
深情表白後，家英哥從西裝褸袋拿出一個戒指，說：「太后，呢30幾年，我好感激身邊有你，我呢世人同你相遇係晚咗啲，如果有下一世嘅話，我好想早啲搵到你，早啲陪你，你願意嘛？」
睇到最後，原來是戒指廣告，但都感動到好多網民：「雖然是廣告，但說的都是真的，我哭了！」
(綜合報道)
