藝人單立文為處境劇《愛．回家之開心速遞》開工，古裝上陣的他化身唐伯虎，與專程返來友情客串的歐陽震華玩番轉。
他接受東網訪問時表示：「今集我只係做後排，歐陽震華多戲啲，同佢5年前合作過《東坡家事》，當時古裝對白好文縐縐（今次再合作感覺返晒嚟？）笑劇唔同嘅，好開心。」
談到太太胡蓓蔚日前與一班姊妹與臨盆在即的杏兒舉行Baby Shower，問到為何他不出席？
單立文笑說：「啲女人嘢，我梗係唔去，杏兒生第一個已經咁靚仔，每次見佢個仔都好肉緊，會問自己點解唔早啲整番個（依家生囉！）」
「而家？都『登六』（60歲）攞景咩，不過每次我彈結他，杏兒大仔都好開心，所以會送音樂嘢畀佢（老二出世送咩？）」
「等佢出世鍾意咩先決定，鍾意跳舞叫黃智雯教，鍾意做戲叫胡定欣教，扮公主咪叫李施嬅囉！」
杏兒第二胎差不多出生了，大家就看一下豹哥送什麽給BB吧！
(綜合報道 / on.cc)
