賭王何鴻燊四房兒子何猷君日前向超模女友奚夢瑤求婚，隨即傳出肚凸凸嘅奚夢瑤有喜。
奚夢瑤尋日現身康城時被問到懷孕一事，就拋下一句「你們開心就好」，孰真孰假就一直未有正面回應。
咁既然超模去到康城電影節，一身戰鬥格唔少得，今次佢就以超Deep V閃片連身迷你裙仔出戰，連身裙中門大開Deep到落肚臍，非常性感！
不過網民最留意嘅就係佢早幾日個被傳有喜嘅肚仔，今次去到貼身性感裙，佢就弔詭在……正面相唔見肚，但一到側身照又出番嚟，忽大忽細令人𢱑晒頭~
雖然今日套衫仲未可以憑肉眼「驗孕」，不過時間係可以證明一切，十個月後就會有答案！
(綜合報道 / on.cc)
