【於浴缸昏迷後手腳麻痹】薛家燕死過番生

    薛家燕與一眾藝人在電視城錄影《流行經典50年》節目。

    薛家燕透露因食錯嘢搞到又屙又嘔:「母親節嗰日返咗大陸做商演,主辦單位請我食西餐,我就食咗啲生蠔,到第二日返嚟香港,個胃同個肚就好唔舒服,屙嘔咗好多次,有一次我忍唔住嘔咗落浴缸度,但醒嘅時候竟然發現自己塊面對住個浴缸底,手腳麻痹,隔籬就係啲嘔吐物,即係其實我係暈咗,於是就慢慢爬番起身叫個女同工人,我諗都暈咗有分零兩分鐘,好彩個浴缸冇水,如果有水我就浸咗落去。」

    問之後可有入院檢查?她說:「冇呀!但有睇醫生。」樂觀的她笑言:「不過佢哋話我瘦咗好多,所以嚟緊六月尾嘅澳門演唱會,謝天華可以抱得起我啦!」

    另外,早前拍檔黎小田肺炎入院,她說:「佢出咗院,應該冇乜嘢,依家就休息緊,佢都話好掛住大家。(佢幾時復工?)未知。」

    (on.cc)

    SHARE