【對上一次喊係因為陳法拉?】薛世恒:只可以講係人生經歷

    Neway太子爺薛世恒出席廣告片首播會,現場播放廣告片中他大騷演技,望着跟家人合照流下男兒淚。

    問到他是否個感性的人?他表示家人才能觸動他落淚:「過去5、6年好少喊,上一次喊已經係6年前,太耐嘅事情。(分手會唔會喊?)細個拍拖分手好傷心,大個就好啲,依家最值得珍惜係屋企人。」

    至於他與前妻陳法拉離婚時同樣沒有喊?他直言:「你信唔信呀?只可以講係人生經歷,分手後仲係好朋友。」兩人在2013年正式離婚,意味着他上一次喊是為了法拉。

    提及陳法拉再婚一事,他說:「佢有講過計劃,冇講清楚幾時舉辦婚禮,我亦冇問。當然期望佢得到幸福,上次見佢已經係幾年前,佢上幾個星期前打電話畀我,話唔希望我睇報道先知。第一個反應好戥佢開心,衷心祝福佢。(幾時輪到你?)未有衝動,我阿爸阿媽急啲,男人事業上要穩定。」

    此外,對於被影到與黃百鳴長女黃漪鈞結伴睇戲,他表示並非拍拖,指兩人在電影合作認識。

    講到弟婦諸葛紫岐再度生B。他說:「我都唔想做伯伯,但又要做,BB好得意,但唔敢抱驚整親。」

    有指諸葛紫岐未現肚便產子,他表示一月見過對方,而農曆年雙方都不在港未有見面。

    (on.cc)

    SHARE