34歲的岑麗香（香香）今年3月為金融才俊老公強強誕下囝囝Jacob，一直深居簡出，在社交網才有機會見到她的大頭樣，至於BB，香香更十分保護，只影了BB的側面和手仔相。
不過，今日香香Baby的正面照終於曝光（相關新聞：https://bit.ly/30ghwEn）！見Jacob黑黑實實，單眼皮，似十足爸爸強強一樣咁Man，他的小手緊緊捉住媽咪件衫，非常搞笑，難怪香香忍不住錫囝囝一啖。
另一張相，就見到碧兒抱住熟睡的Jacob，同樣很可愛。
香香生完BB未夠兩個月，最近已開始積極做運動收身，見她在IG限時動態貼上與另一位媽媽的合照，穿上黑色恤衫的香香，腰肢仍然圓渾，但樣子卻很精神。
而香香昨日亦有趁母親節自製一張卡，用BB的小手印在卡紙上，上面還有一隻小豬仔，代表豬年BB，香香冧爆留言：「Baby, you are everything!」
之後香香忍唔住再晒B仔得意相，留言話：「BB強 wants to say hi👋🏻 to all the mothers out there!」
仲有段片，超得意啊！
(綜合報道/apple daily)
