劉丹與一眾《愛·回家之開心速遞》的演員昨日出席母親節活動，大會公布該劇最高收視達30.7點，成績驕人。
對於收視報捷，劉丹笑言：「緊係開心，但自己知就算，大家要低調啲，謙虛啲，套劇仲有進步空間。（想有幾多點收視？）32、35點咁啦！都唔會太難，我好有信心。大家同心合力去做好件事，好似之前我哋四個加埋280歲嘅組合『大四喜』唱Hip Hop咁，都好受歡迎。（會唔會再唱？）我唔方便透露咁早透露，大家留心啲。」
提到母親節，他自言亦是太太的生日，問到如何慶祝：「都係例牌，大家老夫老妻，食餐飯。（劉愷威有咩表示？）有表示，不過佢喺大陸拍嘢。
（孫女呢？）佢有畫咗幅畫送畀嫲嫲，畫到嫲嫲對眼好大，氹到佢好開心。（孫女同媽咪楊冪點慶祝？）我唔知佢有冇同佢慶祝。」
(on.cc)
