聽日就係一年一度母親節喇，仔女們都應該密鑼緊鼓費盡心思氹媽咪開心！
育有二女一子的幸福藝人媽媽陳琪，琴日就獲2歲寶貝仔「波仔」借花敬佛送上一支鮮花，雖然只係少少心意，但已經令媽媽陳琪已經開心大半天！
波仔好可愛!
媽媽陳琪就最開心喇！
她接受東網訪問時笑說：「平時叫老公（胡諾言）唔好送花，一來嘥錢，二來大時大節買花實貴，但原來收花好開心，今日波仔送花畀我，返去仲要我用花樽插住，但以前啲女喺幼稚園時，學校都有花拎返嚟，但我感覺唔大…」
「不過今次之後，以後老公話買花，都會畀機會佢買番一、兩朵。」
更指大女今年也有畫畫送她，從畫功上睇得出有進步。
陳琪不諱言有問細女有何「貢獻」，沒料竟獲搞笑答案…
「佢話畫唔切母親節嘅畫，所以直接畫父親節，等佢畫好咗一次過送畀我同老公喎！你話佢不知幾醒目。」
(綜合報道 / on.cc)
