懷有7個月身孕的胡杏兒與名模蔣怡現身超市出席慈善活動。
重了廿磅的杏兒，臉和腳也有水腫，肚子亦很大。
她提到BB性別只有屋企人知，連兒子也未知，她笑說：「佢唔知自己做哥哥，佢會攬、會錫我個肚，但唔知入面有個人，會覺得個肚好得意，會摸吓錫吓，好奇怪我咁大個肚。（教定佢準備做哥哥？）等BB出咗嚟先教。」
她說之前做過測試，在兒子面前抱鍾嘉欣的BB，發覺兒子在呷醋：「佢呆咗，但冇大喊，佢會覺得點解Daddy抱住另一個，未解釋佢聽，佢唔明，好難解釋個肚。」杏兒又笑說覺得做老二好慘，全部用品都執二攤。
被問到此胎是否佗女時，她說：「想大家估吓，生完話你聽，之前話我買男仔衫，其實我買畀工人姐姐，佢預產期同我一樣都係7月。（依家幫你個工人姐姐？）唔係，佢返咗去，真係好神奇。」
相關新聞:【BB性別洩蜜 大肚胡杏兒孖老公奶奶出巡！】https://bit.ly/2Vh5CM1
提到之前梁詠琪送贈BB女衫給她(相關新聞:https://bit.ly/2PTyoMC)，暗示生女？杏兒說：「唔係女仔衫，女友送嘅黃色衫都好中性，男仔女仔黃色都可以。」
第一胎採自然分娩的她，今胎亦會試自己生，但早排她重看分娩Video時，開始有點恐懼。預計六月才全面停工待產，講笑說：「都要乖乖哋，萬一有事，喺超市生就好大劑。」
母親節應該會出街食飯慶祝，免得辛苦奶奶。
(綜合報道/on.cc)
