【日日以淚洗面】驚傳劉詩詩有產後抑鬱

    內地女星劉詩詩同台灣藝人吳奇隆於2015年結婚,上月底一索得男誕下「豬仔」,大家都好戥佢哋開心。目前她在月子中心坐月,照顧「小奇隆」的重任交由老公負責,同時吳奇隆更準備補湯及催奶水等,體貼入微地照顧坐月的劉詩詩。

    不過有傳劉詩詩生B後患上產後抑鬱,情緒不太好,亦不愛說話,有傳日日以淚洗面,也很少梳妝打扮,仲指佢可能要休養好長時間先可以再復出拍戲。

    消息一出,劉詩詩嘅粉絲都憂心忡忡,亦有網友覺得好疑惑,點解吳奇隆咁錫老婆,生仔都安排佢入住知名醫院最貴嘅病房,呵護備至但就忽略咗劉詩詩嘅情緒呢?有網友推測最大原因係婆媳糾紛,有傳吳媽性格並不好惹,當初稱沒有孩子是因為劉詩詩懷不上,不怪她的兒子,面對吳媽的抹黑,劉詩詩一直也沒回應,而且吳奇隆是圈中出名的孝順仔,曾償還全家的債務,幫助哥哥及弟弟買樓,哥哥及弟弟的小朋友也是吳奇隆出錢送他們到外地讀書,有傳吳奇隆家庭負擔大,令老婆劉詩詩心裏有些意見,畢竟他們的財產要留給自己的孩子,將來供書教學,壓力頗大。

    不過亦有網友認為未必同其他人有關,因為本身做媽媽嘅壓力已經好大,初生嬰兒又要特別小心照顧,所以令媽媽更易出現精神緊張,同時大家嘅焦點亦會去咗BB度,就忽略咗媽媽嘅心情。而據資料顯示,每五位媽媽,就有一位患上產後抑鬱,所以唔可以掉以輕心。專家亦指屋企人嘅支持有助患者穩定情緒,如果察覺到產後婦女出現疑似徵狀,應盡快求醫。希望劉詩詩喺大家嘅支持下早日重現歡顏啦!

    (綜合報道)

    SHARE