藝人苟芸慧出席護膚品牌活動，她笑言因害怕變成黃面婆而勤於保養美白…
「啲人話結咗婚就會變黃面婆，拍戲期間更加要美白，老公都鍾意我比較白雪雪，佢話咁樣有福氣。（會唔會同老公一齊護膚？）」
「佢成日偷用我啲護膚品，其實佢好貪靚㗎！有時佢賽完車皮膚曬傷咗就會偷偷地用我啲嘢幫自己靚仔啲，不過我都欣賞佢而家嘅健康膚色。」
最近苟姑娘中港兩邊走，忙於在佛山拍攝網劇《快樂520》，她表示劇中角色富有挑戰性：「劇入面我要跳舞唱歌，同埋面對一啲新嘅對手，對我而言，係今年好大嘅挑戰。」
早前她與「處女黨」一班姊妹聚會，亦有去探岑麗香仔仔：「之前睇相覺得似香香，但見真人就似爸爸多啲…」
「不過好難講，BB每日都變緊，希望佢健健康康，大個係個靚仔。我去到都有抱佢，好緊張，嗰時BB一個幾月仲好軟腍腍，但種感覺好開心興奮。（你係唔係契媽？）佢好似冇講到，不過係唔係契媽都好，都會盡力照顧呢個小朋友。」
(綜合報道 / on.cc)
