去年11月曾踢爆佢哋拍拖，當時二人均否認，女方仲話：「情人節冇一齊，同居更加冇可能，唔知點解有咁嘅傳言。」不過呢日竟然有網民捕獲佢哋蜜遊東京，更。。。
上周四(5月2日)，有讀者目擊他們在日本東京，一同乘坐機場巴士抵達成田機場。
《蘋果》記者在晚上11時許，見戴住口罩的大台小生朱敏瀚與余思霆前後腳在香港機場出閘，非常小心，同行還有一位中年女士，估計是朱敏瀚的媽媽。
余思霆曾經揮低馮盈盈、勇奪2017年華姐冠軍。
朱敏瀚和朱媽媽一人推住一架行李車，而余思霆則全身黑色，戴住cap帽和黑框眼鏡，雖然素顏現身，但身材高䠷，依然好sharp醒。
三人一落機先去醫肚，到機場內一間上海食店叫了小籠包和一人一碗麵，朱敏瀚和余思霆打對面坐，不時有說有笑，余思霆更不時嘟嘴賣萌，朱媽媽間中都會被冷落，惟有玩手機自娛。
大約半小時後，朱敏瀚首先離座去埋單，之後再一齊取回行李，其間見朱敏瀚熟手地拎住余思霆手上的罐裝汽水，明顯二人是情侶關係，完全不介意share飲。
之後他們便直上卸貨區，原來一早call了Van仔回家。而行車路線只有一個站，就是朱敏瀚位於沙田的寓所，余思霆也跟埋落車，三人一齊拎行李上樓，明顯已是同居關係。
(綜合報道/apple daily)
