【好驚喜】王君馨老公真係超Sweet啊！

前港姐王君馨（Grace）聽日（5號）33歲生日，不過佢就忙爆冇諗住慶祝，但老公仔Daniel又點會容許呀？

Daniel就搵埋好友為佢簡簡單單食飯慶祝，除咗買咗生日蛋糕，仲任勞任怨做阿四執屋洗碗，而衛蘭都在場！

另外，王君馨仲收到「炸彈」做禮物，佢仲好開心咁扑開個炸彈，裏面全部係朱古力同糖，真係睇見都興奮！

Grace留言：「今年生日全日開工，諗住乜都唔搞，多謝你們簡簡單單幫我預早慶祝。多謝老公執屋洗碗掃地安排一切😘」黃翠如、方力申、陳嘉寶等都留言祝佢生日快樂！