【網民勁送祝福】唐詩詠晒香肩好神秘⋯

有「絕世好女友」之稱嘅視后唐詩詠尋日（3號）38歲生日，佢喺Instagram上載一張慶祝照片。

見佢着到靚一靚又晒香肩，對住個蛋糕許願，不過相中只有佢一人，非常神秘，到底係邊個同佢慶祝及影相呢？

查實詩詠同洪永城分手後，喺2月初時曾與「教育界王力宏」陳思銘傳出緋聞，仲一齊食飯行山，但似乎就冇咗下文，網民都祝願佢快啲搵到「對的人」呀！

雖然生日要開工，但佢就話係祝福嚟，又有人為佢送上生日蛋糕，睇嚟有排慶祝！

(on.cc)