藝人張晉參加咗內地綜藝節目《我最愛的女人們》，叫得最愛的女人們，張晉當然要搵埋老婆蔡少芬同埋媽咪一齊上節目，最新嘅預告片就係蔡少芬同張媽咪聯手教訓張晉，仲話要罰佢跪地6粒鐘，究竟佢做咗啲乜嘢咁大件事要受罰呢？
條片一開頭見佢哋一家三口喺餐廳食緊飯，點菜嘅時候張晉掛住打機乜都唔理，蔡少芬同張媽媽開頭都好溫和咁勸佢。
點知張晉唔識死繼續打機。
婆媳對望，得到共識聯成一陣線。
蔡少芬即時爆發將個餐牌好大力咁拍落張枱，嚇到張晉呆一呆。
兩位女士用憤怒嘅眼神睥爆佢，跟住蔡少芬一開口就話：「老公，你係咪唔愛我啦！」
張媽媽接住上話：「阿仔，你係咪嫌棄我？」
蔡少芬話要罰佢跪地兩個鐘，點知張媽媽仲狠，一開口話要罰四個鐘，佢哋一輪嘴不停鬧。
張晉除咗合十嗌投降求饒之外，最終仲要關機去平息兩位最愛的人嘅怒火。
(on.cc)
