藝人鍾麗緹（Christy）同老公張倫碩時不時都會喺社交網放閃，雖然呢段婚姻一開始不被很多人看好，不過佢哋依然愈愛愈甜蜜！
早前更拍攝水中唯美寫真，名副其實「人魚夫婦」！
近日Christy孖老公及奶奶參加咗內地節目《我最愛的女人們》，Christy喺網上晒出多張花絮照。
兩公婆除咗一如既往咀嘴放閃外，Christy又同老公齊齊向奶奶送吻，又為奶奶拍攝唔少靚相，果然識做！
當中節目嘅參加者仲有蔡少芬（Ada），一班女人非常融洽。
Christy留言：「美麗的西班牙第二站圓滿成功。人魚夫婦，我最愛的女人們。」
網民都話好羨慕佢兩婆媳關係咁好，仲叫佢過兩招，要向佢學嘢咁話呀！
(綜合報道)
