鍾嘉欣最近帶同一對子女返港，早前為大台拍過綜藝節目，之後又與大台舊同事聚會。
上星期就做回「常在心」，與夏雨、李司棋及米雪飲茶見面。
鍾嘉欣當然都有約一班「處女黨」好姊妹團聚，王君馨貼出相片，幾個已經升呢為「索爆人妻團」的姊妹行街，當中見到鍾嘉欣帶着兒子Jared、李亞男跟苟芸慧化了淡妝，不過就未見岑麗香。
王君馨留言：「第一次成班姊妹喺街度行嚟行去，原來真係好爽！」她又留tag表示，以往只是試過屋企聚會或者去人少的餐廳，今次就好放縱四圍去，王君馨更指如果有電影想搵一班媽媽特工，可以考慮邀請她們演出。
李亞男當初懷孕時，曾與當時同樣懷孕的鍾嘉欣有過合照，兩位大肚婆肚頂肚互相祝福，到今日兩人孩子都已經出世。至於新婚不久的苟芸慧，應該是婚後首次與鍾嘉欣見面，苟芸慧早前就講過，與老公有共識，不急於追B，因為老公目標想要「老虎仔」。
鍾嘉欣晚上除了轉發王君馨的相片，亦繼續分享她今次回港探親之旅的過程。當中就有兩張馬浚偉與鍾嘉欣女兒Kelly及兒子Jared玩的相。
鍾嘉欣感性地留言：「呢個係位好特別嘅男人。我哋冇血緣關係，我哋只係合作過5套劇。我每次返嚟都唔問我任何嘢，每當我覺得不妥時佢每次都支持我。佢好人充滿正義感、聰明又敦厚。佢係我一位非常好嘅香港認識到嘅朋友，好似『哥哥』一般存在嘅人。」
（綜合報道/apple daily）
