影后毛舜筠為代言健康產品拍攝全新一輯廣告。她表示已連續8年擔任代言人：「我哋其實唔只產品及代言人嘅關係，我直情視產品創立人係自己嘅恩人。」
原來早於03、04年左右，她的小女兒不幸患上豬流感，當時醫院床位嚴重短缺，她惟有致電陳醫生求救：「佢即刻安排我細女入住醫院，救番佢一命！（囡囡最嚴重時情形係點？）擘開對眼但係昏迷，我擔心到大滴眼淚跌落嚟，好驚冇咗佢。自此之後，我就主動打畀陳醫生，同佢講我想唔收錢，做佢產品代言人。」
她謂對方是好老闆：「佢每次都畀封利是我。（近排見你有唔同廣告推出。）多謝大家支持，其實我自創嘅曲奇品牌近日有新產品推出，我發現做生意比做代言人更有壓力。（母親節點過？）兩個女都喺外國，或者我老公會請我食餐飯啩，不過慶唔慶祝唔緊要，一家人喺埋一齊嘅時候開心咪得囉。」
(綜合報道 / on.cc)
