前港姐陳茵媺（Aimee）先後為老公陳豪誕下二仔一女，一家五口相當幸福美滿！
日前27號係囡囡陳凱婷（Camilla）嘅3歲生日，作為Super Mom嘅Aimee就為囡囡親自整咗個生日蛋糕，原來係囡囡最愛嘅Elsa蛋糕！
Camilla好喜歡Elsa公主，早前Aimee上載囡囡扮公主的照片，成功吸不少Like~
Aimee上載出親手製作蛋糕嘅片段…
用英文留言：「生日快樂我嘅小公主Camilla，Camilla要求我整個Elsa蛋糕，所以我盡力為佢整一個，令佢願望成真！」
唔少網民都大讚Aimee好勁，叫佢可以考慮蛋糕店，仲話Aimee絕對係一位好太太兼好媽媽呀！
而Camilla仲打戴上皇冠扮小公主，好開心同個蛋糕合照，可愛到呢！
Aimee曾接受傳媒電話訪問時，直認囡囡好貪靚，她笑說：「佢仲貪靚過我，我都貪靚，但冇佢咁貪靚。但佢貪靚之中，都好強烈執著自己嘅想法，呢點我都幾欣賞佢。」
Aimee坦言不喜歡囡囡接觸太多公主式童話，她解釋：「因為傳統公主都係要男仔救，好似Sleeping Beauty、Cinderella。但我想培養囡囡獨立啲，作為現代女性唔好只靠別人解決問題，但佢（囡囡）就好鍾意Elsa，咁我都覺得ok，起碼佢唔似傳統公主，個角色會執著自己想法，我幾欣賞，所以就買咗畀佢囉。」
Elsa和Anna有別於其他傳統迪士尼公主，兩個都很有獨特個性，傾向靠自己智慧和能力解決困難，而非等待王子拯救，甚有教育意義！
有如此教育意義，難怪此動畫深得家長喜愛。
問到會否希望囡囡將來同樣成為港姐冠軍？她說：「我不嬲唔建議咁細就培養小朋友參加選美，應該等佢哋讀完書，喺一個好成熟嘅年齡，自己選擇自己嘅路。」
(綜合報道)
